వినాలని ఎదురుచూసే వెదురు కోసం
వేణునాదమవుతుంది గాలి కూడా
కమ్మని కబురులతో తెమ్మెర సమీపిస్తే
తబ్బిబ్బై తలూపుతుంది పూలతీగైనా
నిశ్చలమై తటాకం నిరీక్షిస్తే
తూనీగ కూడా చిత్రాలు రచిస్తుంది
అడ్డంకులెదురైనా ఆగిపోక
తనకోసం పరుగెత్తి వచ్చిన సెలయేటికి
అవనత వదనయై ఆకుపూజ చేస్తుంది అడివమ్మ
చినుకులుగా ప్రేమను చిందించే మేఘం కోసం
అగరు ధూపమైపోతుంది అవని సమస్తం
తన కోసం నింగి నుంచి
నేలకు జారిన వానజల్లు
తాకీ తాకగానే
తటాకం తనువెల్లా పూలవనం!
స్పందించే హృదయానికి
ఎటు చూసినా సౌందర్యమే
ఎరుకంటూ ఉంటే
లోకమంతా సానుకూలమే!
*
ఈ రాత్రి వొడవదు ఎన్నో రాత్రి ఇది చెంప మీద ఎన్నో కన్నీటి చుక్క జారి ఆరిపోతున్నది తెల్లని మంటయ్ కురుస్తున్న మంచు కిటికీ అద్దం మీద వీధి లాంతరు విసుగు ఒక్క వెచ్చని వూహ లేదని ఫిర్యాదు దృశ్యం మారితే బాగుండు, మార్చేది ఎవరు నేనెప్పుడూ చీకట్లో ఆడుకుంటున్న ఆడపిల్లనే నా చుట్టూరా నల్లని కందకం, ప్రతిబింబం లేని అద్దం వృత్తాకార కందకంలో నాచు పట్టిన కత్తులు కందక ఖడ్గానికి పొదిగిన పచ్చల వలె చుక్కలు నల్లని అద్దాన్ని దాటే … [ఇంకా చదవండి ...]
నువ్వంతే ఎప్పుడూ నిత్య వికసిత కుసుమానివై పరిమళం వెదజల్లుతుండు నిను కాంచే చూపుల పై... దేహాలపై... ~ నీ నవ్వుకు వేలాడుతుంది ఓ ముక్క ఆకాశం కాంతి సముద్రాన్నెత్తుకొని నీ నడుమ్మోసే చంటిపాపలా ఓ మాయని మాయలా ముడతలు కొన్ని నీ ముఖంమ్మీద అందం చెక్కిన ఆనందాలౌతుంటాయి అసలే నలుపు ఆపై చెవికి చెవులై వేలాడే లోలాకులు నక్షత్రమంత కాకపోయినా అలాంటిదే ఓ ముక్కు పుడక నీ ముక్కు అందం జుర్రేసుకుంటూ అంత వరకూ చూడని రంగురంగుల సీతాకోకచిలుక దేహపుహోళిలా నిను చుట్టేసిన బట్టల అద్దాల్లోంచి తొంగి … [ఇంకా చదవండి ...]
నా లోపలి సతత హరితారణ్యానికి ఎవడో చిచ్చు పెట్టాడు మట్టిదిబ్బలూ ముళ్లపొదలూ తప్ప తుమ్మముళ్లూ బ్రహ్మజెముళ్లూ తప్ప పూల పలకరింపుల్ని ఆఘ్రాణించలేని పక్షుల రెక్కల ఆకాశాల్ని అందుకోలేని సెలయేళ్ల లేళ్లను తనలోకి మళ్లించుకోలేని జంతుజాతుల జన్మరహస్యాల్ని పసిగట్టలేని మనిషిరూపు మానవుడొకడు ఒళ్లంతా అగ్గి రాజేసుకుని అంటించేశాడు వాడు విధ్వంసపు మత్తులో తూలుతూ మంటల ముందు వెర్రిగా తాండవమాడుతూ ++++++ కాలమాపకయంత్రం మలాము పూసింది కాలిన గాయాలు కనుమరుగవుతున్నాయి పచ్చదనం మళ్లీ … [ఇంకా చదవండి ...]
Copyright © 2024 Saaranga Publishers
సి నైస్.. చాలా చాలా బావుంది నాగలక్ష్మి గారు
థాంక్యూ శ్రీథర గారూ!
మీ కవితలోనివన్నీ ఒకదానికొకటి ముడిపడి ఉన్నాయి. అందుకే అంతా సానుకూలం. చాలాబాగా వర్నించారు.
అవునండి, ప్రకృతిలో అంతా ఒకదానికొకటి ముడిపడే ఉంటుంది కదా. స్పందించినందుకు మీకు కృతజ్ఞతలు!
చాలా బావుంది కవిత . సున్నితంగా ఉంటూనే ప్రకృతి లోని ఏకసూత్రతని చక్కగా వెల్లడించింది . అభినందనలు నాగలక్ష్మీ
స్పందించే హ్రహ్రుదయానికి ఎటు చూసినా
సౌందర్యమే !! ఎంత బాగుందీ వాక్యం.
అభినందనలు. ఇంకాస్త బిగుతుగా చెప్పగలరు మీరు. శుభాకాంక్షలు.
‘ఇంకాస్త బిగుతుగా చెప్పగలరు మీరు’ మీ సూచనకు ధన్యవాదాలు :)
చాలా బావుంది నాగలక్ష్మి !
వానచినుకలంటే యెంత ఇష్టమో కదా నీకు!
‘వానచినుకులు ‘ పుస్తకంలోని కవితల్లాగే ఇదికూడా చదవటానికి యెంతో హాయిగా, ఆహ్లాదకరంగా వుంది
నేలకు జారిన వానజల్లు…
తాకితాకగానే
తటాకం తనువెల్లా పూలవనం.
పరిమళపు వాక్యలు…