వాసుదేవ్
ఇవన్నీ ఇంతే
అందమైన బుక్మార్క్ గా సిధ్ధమే
కన్నీళ్ళకథలు పర్చుకున్న పొడుగాటి పగలూ
అలసిపోయిన ముగ్ధ రాత్రీ
సోక్రటీస్ పెదవుల దగ్గరి హెమ్లాక్ విషపు గిన్నె
జీవిత గాయాల కథల తిన్నె
సిధ్ధమె!
బుక్మార్క్ గా రూపాంతరానికి సిధ్ధమే
ఆరొందలేళ్ళ ఫినిక్స్ పాటలూ
పదిరోజుల పసి ప్రాయపు పలకరింతలూ
హఠాత్తుగా, ఏదో జ్ఞానోదయమైనట్టు
ఎగురుకుంటూ పోయే పక్షులూ
నిక్కచ్చిగా పొడుచుకొచ్చిన గడ్డిమొలకలూ
కాలపు సన్నికాళ్లలో నలిగిపోయి, బతుకుపుస్తకంలో ఇమిడిపోయిన
ఆ అందమైన పువ్వులూ, రావాకులూ,
అపురూపమైన బుక్మార్క్ గా సిధ్ధమే!
చూరునుంచి బధ్ధకంగా వేళ్లాడుతున్న వర్షపు చుక్కల్లోంచొ
జలతారు పరికిణీ వెన్నెల పరదాల్లోంచో
పాతపుస్తకం లోంచి జారిపడ్డ చాక్లెట్ రేపర్లోంచో
ఖాళీజీవితంనుంచి క్రిందపడ్డ అపురూప క్షణాల్లోంచో
ఓ బుక్మార్క్ సిధ్ధమే!
****
అప్పుడెప్పుడో బతుకు పుస్తకంలో దాచుకున్న ఆ పాతపువ్వులేమన్నాయి?
తాజా కామెంట్లు