నవరసాల
ఒడిదుడుకుల రంగుల రాట్నం
చివ్వరికొచ్చేసాం ఇక-
ఒక ప్రశాంతమైన చివరకి- శాంతంగా!
ఏ ఉద్వేగాలూ లేని ఒక శూన్య స్థితిలోకి-
నిజానికి,
శాంతం అంటే
మిగిలిన అన్ని భావాల నించీ విముక్తి కాదు,
అన్ని రసాల భావోద్వేగాలనీ పునః ప్రతిష్ట చేసేది శాంతం.
ఇక్కడి తెలతెల్లని వలయం శూన్యం-
స్థిత ప్రజ్ఞత సాధించిన సమభావం.
నలుపులోంచి తెలుపులోకి అంతర్యానం
శాంతి రాహిత్యం నించి శాంతిలోకి కూడా ప్రయాణమే.
ఇక్కడి తెలుపు కేవలం ఒక చిన్ని బిందువే కావచ్చు
ఆ చిన్ని బిందువే కొత్త ఆరంభాలన్నిటినీ మేల్కొలిపే శక్తి.
అప్పుడు మళ్ళీ జీవన వలయంలోకి మనం-
తాజా కామెంట్లు