మమత వేగుంట
సప్తస్వరాల శిఖర బిందువు- నిషాదం!
స్వరం సరిహద్దులకి చివరి పరీక్ష- ని.
నీ వ్యక్తీకరణ పరిధుల తుదీ మొదలూ తేల్చుకునే సమయంలో వినాలి- ని.
తెగని సంఘర్షణ తరవాతే గెలుపు
కాన్వాస్ చీకట్లోంచి మెరుస్తుంది కళాఖండం
ఆ ఉత్సాహపు ఉరకల్లో మేధో విజయంలో వినాలి- ని.
ఏనుగు ఘీంకారంలోంచి కదిలాయి నిషాద స్వరమూలాలు.
ఆ ఘీంకారం నిన్నూ నన్నూ ఆదిమ యుగాల్లోకీ తీసుకెళ్తుంది
ఈ క్షణంలోకీ ఇక్కడికీ మేల్కొల్పుతుంది.
సాధ్యమయ్యే కలలోకి మెలకువ- ని
ఒక అద్భుతంలోకి విజయ సోపానం- ని
సాధ్య స్వప్న కళకి చేరువగా విను- ని!
తాజా కామెంట్లు