చిత్రం: ప్రవీణా కొల్లి
పదాలు: ప్రసాద్ బోలిమేరు
~
నువ్వు విచ్చినప్పుడల్లా
గుండె జ్ఞాపకాలనెందుకు స్రవిస్తుందో
నీ ఆత్మవికాసానికి తెలిసేవుందాలి
ఎవరికైనా రహస్య ప్రణాళిక ఎందుకుండాలి?
అక్షరమై
మనసుగంధాన్నిమోసుకెళ్ళాలనే
ఆరాటం తప్ప.
ముళ్ళపానుపు పై సైతం
స్వప్నసౌకుమార్యాన్ని నిర్మించుకొనే
నీ యోగనిద్ర
సప్తవర్ణాల రెక్కల్ని సాధించిన గొంగళిపురుగు
ఆరాటమే కదా .
అక్షరంలా
నువ్వు పుటలుపుటలుగా విప్పారేది
జీవన ప్రహేళికను పరిష్కరించటానికే కదా .
సుమమే అక్షరమై
అక్షరమే ఆరాటమై
ఆరాటమే అడివై
అడివే హద్దుల్లేని అద్దమై
విచ్చినప్పుడల్లా స్రవిస్తుంది — ఓ ఆశ .
ఎంత అద్భుతమైన వాక్యాలు . రియల్లీ వండర్ ఫుల్ . thank You
అవును – ‘అక్షరమే’!
చాలా బాగుంది
“సుమమే అక్షరమై అక్షరమే ఆరాటమై ఆరాటమే అడివై అడివే హద్దుల్లేని అద్దమై విచ్చినప్పుడల్లా స్రవిస్తుంది — ఓ ఆశ ” బ్యూటిఫుల్ ఎమోషన్ carried ప్రసాద్ గారూ !! & ప్రవీణ గారు మీ ‘నిత్య మల్లి’ అద్భుతంగా విచ్చుకుంది :) :)
థాంక్స్ రేఖా జ్యోతి గారు :)
చాలా చాలా చక్కని భావన… అద్భుతంగా వుంది…