– ప్రసాద్ బోలిమేరు
~
నువ్వే లేకుంటే
ద్వేషించలేక ప్రేమలో కూరుకుపోతా
ప్రేమించేలోపే ముడుచుకుపోతా
నువ్వేకదా హరివింటిలాటి ఉనికిని దానం చేసేది
గాయాలకి గర్వాలకి వేదికని చేసేది
ఎంత ప్రసవ వేదన ఎన్నిమార్లు
అనుభూతించి ఉంటావో చినుకులా
ఏకాంతమా
ఊదా, ఎరుపుల నడుమ ఎలా ఒదిగి పోవాలి
ఉదయాస్తమయాలను ఎలా రంగరించాలి
నువ్వే లేకుంటే !
నాలోకి పోతూ , ఇంకిపోతూ గుబురుగుబురుగా
ఆకుపచ్చటి ఆశల్ని ఎంతలా పోగేస్తావు
ఏ పువ్వును కోయబోతే
ఏ ముల్లు గుచ్చుకొంటుందో
మునివేళ్ళవుబికే వాసనల రక్తపు చుక్క
ఎర్రటి ప్రవక్తలా కొత్త రుచుల దారి
పువ్వునించి విడిపోతున్న పరిమళాన్ని
మనసు పొరల్లో
నైరూప్య శిలాజంలా బతికిస్తావు
నువ్వే లేకుంటే —
రంగులరెక్కలెవరిస్తారు ఈ ప్యూపా నిద్రకి ?
ఏకాంతమా
బుగ్గ మీది మల్లెతీగా , పెదవిపైని మెరుపుతీగా
నువ్వేలేకుంటే !?!
ద్వేషించలేక ప్రేమలో కూరుకుపోతా
ప్రేమించేలోపే ముడుచుకుపోతా
నువ్వేకదా హరివింటిలాటి ఉనికిని దానం చేసేది
గాయాలకి గర్వాలకి వేదికని చేసేది
ఎంత ప్రసవ వేదన ఎన్నిమార్లు
అనుభూతించి ఉంటావో చినుకులా
ఏకాంతమా
ఊదా, ఎరుపుల నడుమ ఎలా ఒదిగి పోవాలి
ఉదయాస్తమయాలను ఎలా రంగరించాలి
నువ్వే లేకుంటే !
నాలోకి పోతూ , ఇంకిపోతూ గుబురుగుబురుగా
ఆకుపచ్చటి ఆశల్ని ఎంతలా పోగేస్తావు
ఏ పువ్వును కోయబోతే
ఏ ముల్లు గుచ్చుకొంటుందో
మునివేళ్ళవుబికే వాసనల రక్తపు చుక్క
ఎర్రటి ప్రవక్తలా కొత్త రుచుల దారి
పువ్వునించి విడిపోతున్న పరిమళాన్ని
మనసు పొరల్లో
నైరూప్య శిలాజంలా బతికిస్తావు
నువ్వే లేకుంటే —
రంగులరెక్కలెవరిస్తారు ఈ ప్యూపా నిద్రకి ?
ఏకాంతమా
బుగ్గ మీది మల్లెతీగా , పెదవిపైని మెరుపుతీగా
నువ్వేలేకుంటే !?!
*
