Art: Mandira Bhaduri
అర్థరాత్రికి అటువైపు, ఒక ఉలికిపాటు
కొందరి పీడకల, మరికొందరికి హర్షాతిరేకమైన గగుర్పాటు
…
అంతా మిథ్య అనే మాయావాదికి
ఒక వాస్తవికమైన ఆసరా
అంతా నిజం అనుకునే వాస్తవికవాదికి
ఒక అసహజమైన షాక్
…
కలడు కలడనువాడు కలడో లేడో
జరిగాయంటున్నవి, జరిగాయో లేదో
అందరిలోనూ సందేహాస్పద దేశభక్తి
ఒక వర్గంలో రగిలిన భీతి
ఉప్పొంగిన మరో వర్గం ఛాతి
వీర తిలకాలు దిద్దుకుని విర్రవీగిందొక జాతి
…
సరిహద్దులు దాటితే దేశభక్తి
మరి, మన హద్దుల్లో దానినేమందురు?
అయినా, అనుమానించామన్న అపప్రథ మనకెందుకు?
పోలీసులది రాజ్యభక్తి, సైనికులది దేశభక్తి
అంతేనా?
అయినా, అధినేతే స్వయంగా రంగంలో నిలిచినప్పుడు
సాక్ష్యాలనీ, ఆధారాలనీ వెంపర్లాటెందుకు?
…
ఓట్లనీ, సీట్లనీ, అధికారం కోసమనీ విశ్లేషిస్తారు కొందరు
రెక్కలు కట్టుకుని చుట్టి వచ్చిన దేశాల దౌత్యనీతి సఫలతను
పరీక్షించుకున్నాడంటారు మరికొందరు
బీఫ్ రాజకీయాలు, అక్షరాలకు నెత్తుటి పూతలు
అంతరంగాకాశాన్ని అలుముకుంటున్న అసహనంపై
ఎంతకైనా తెగిస్తామంటూ బ్రహ్మాస్త్రాన్ని ఎక్కుపెట్టాడు
…
చివరాఖరికి
అద్దంలో శత్రువును చూపించి భళ్లున పగులకొట్టాడు
రాలిన మన ముఖాలను వాస్తవాధీన రేఖపై వేలాడదీశాడు
బహుశా-
పొడుచుకొచ్చిన విభజన రేఖలను దాటితే తప్ప
మనం ఈ దేశంలో అంతర్భాగం కాలేమేమో?
–
ప్రస్తుత దేశ పరిస్థితిని బాగా చిత్రీకరించారు దేశరాజు గారు . ముఖ్యంగా ఈ పదం బావుంది “సరిహద్దులు దాటితే దేశభక్తి
మరి, మన హద్దుల్లో దానినేమందురు?
అయినా, అనుమానించామన్న అపప్రథ మనకెందుకు?
పోలీసులది రాజ్యభక్తి, సైనికులది దేశభక్తి
అంతేనా?.
బహుశా-
పొడుచుకొచ్చిన విభజన రేఖలను దాటితే తప్ప
మనం ఈ దేశంలో అంతర్భాగం కాలేమేమో?
నిజమే సర్
వాస్తవిక రాజకీయ చిత్రం
చాలా బాగుంది ఆశారాజు గారూ- అభినందనలు. చేయవలసినదే జయప్రదంగా చేశారనుకుందాం. దానికి కారకులైన వారందరికీ అభినందినలందిద్దాం. కాని దానిని రాజకీయ ప్రయోజనాలకు వాడుకోవడం , అది ఏ పక్షమైనా ఆక్షేపణీయమే.
Tnq sir, but my name is desaraju not Asharaju
పొడుచుకొచ్చిన విభజన రేఖలను దాటితే తప్ప
”
మనం ఈ దేశంలో అంతర్భాగం కాలేమేమో?”…నిజమే!
“Our homeland is the whole world. Our law is liberty.
We have but one thought, Revolution in our hearts “ ~ Dario Fo
ప్రముఖ ఇటాలియన్ నాటక రచయిత, రంగస్థల కళాకారుడూ, రాజకీయ కార్యకర్త
డారియో ఫో ను అద్భుతంగా పరిచయం చేసిన శ్రీ దాసరి అమరేంద్ర గారి వ్యాసం జ్ఞప్తితో
http://saarangabooks.com/retired/2016/10/14/%E0%B0%A1%E0%B0%BE%E0%B0%B0%E0%B0%BF%E0%B0%AF%E0%B1%8B-%E0%B0%AB%E0%B1%8B-%E0%B0%85%E0%B0%A4%E0%B0%A8%E0%B0%BF-%E0%B0%A8%E0%B0%BE%E0%B0%9F%E0%B0%95%E0%B0%B0%E0%B0%82%E0%B0%97%E0%B0%82/
దేశరాజు గారు,
పోయం బాగుంది.సూటిగా,స్పష్టంగా పవర్ఫుల్ గా వుంది.అభినందనలు
/అద్దం లో శత్రువుని చూపించి భల్లున పగలగొట్టాడు
రాలిన మన ముఖాలను వాస్తవాదిన రేఖపై వేలాడ తీశాడు. /
దృశ్యం సుస్పష్టంగా చూపించారు.
అద్దంలో శత్రువును చూపించి భళ్లున పగులకొట్టాడు
రాలిన మన ముఖాలను వాస్తవాధీన రేఖపై వేలాడదీశాడు
…… ప్రస్తుత స్థితికి అడ్డం పట్టే నీ కవిత్వ వాక్యాలు !
వెరీ పవర్ఫుల్ పోయెం
బాగుంది రవి. ఆ అద్దం ఇమేజ్ మరీ చాలా బాగుంది.:-)
అద్దంలో శత్రువును చూపించి భళ్లున పగులకొట్టాడు
రాలిన మన ముఖాలను వాస్తవాధీన రేఖపై వేలాడదీశాడు
Vaastavikatanu pratibimbinchindi poem.. abhinandanalu sir
ప్రస్తుత ద్వంద్వ ప్రమాణాల ముఖ చిత్రం చక్కగా చూపారు