బ్రతుకు దుఃఖమేదైనా మిగిలి ఉంటే
వెచ్చటి నూలు స్వెట్టర్ లో చుట్టేసి
తీరపు అంచున కూర్చొని
ఒక్కో దుఖాన్ని జారవిడిచే నగ్న నేత్రం…..!
..
..
షరా నవ్వుల మర్మాన్నో….
కన్నీటి ద్వైభాషల అర్థాలనో ఆరాలు తీసి తీసి
అలసిన ఆకుపచ్చ మైదానం
జీవిత నాటకపు చివరి అంకాన్ని
ట్రాజెడీ గా మార్చాలో? కామెడి గా మలచాలో ?
అర్థం కాక అర్ధా౦త౦గా వదిలేసిన ముగింపు
..
..
దంకన్ స్టీల్ చెప్పినట్లో
నోస్టర్ డమాస్, అమియోబ్ ల యుగా౦తపు రహస్యద్వారాల
అన్వేషణలోక వైపు …
వేల కోట్ల పడగల సాగరాన దాహార్తియై
చివరకు ఎం మిగిలిందన్న నిర్వేదమోక వైపూ…
అనుభవిస్తూ ఆ నిస్తేజమైన కళ్ళతోనే
మహా స్మశానాన గడుపుతున్న సుదీర్ఘ రాత్రులు!!
..
..
బ్రతుకు కీళ్ళ సందుల్లోన
గతం ఆడిన కీలుబొమ్మల ఆట జ్నాపకాలను
అక్కున చేర్చుకొనే తీరం
ఒడ్డున సేద తీరే ప్రతి పండుటాకు తో పంచుకొంటుంది…..!!!
*
తాజా కామెంట్లు