painting: Rafi Haque
*
దుఃఖానికి పర్యాయపదం వేరే ఏముంది దుఃఖం కాకుంటే?
ఊపిరి జ్ఞాపకాల సాలీడు వెచ్చగా,
అటుఇటు గుండె అంచుల దాకా పాకుతూ నే ఉంది,
అక్షరమైన కోరికలా
విడిపించుకోలేని వల ఆత్మ అంతటా విస్తరిస్తోంది
మోహం (వికారాలు) తూనీగ రెక్కల్లా నిస్సత్తువగా నిస్సహాయంగా
ఓ పోగు తెగగానే, గూడు చెదరగానే
మళ్ళీ మళ్ళీ పెనవేసుకొంటూనే ,,,,
ఓ రాత్రి రాలిపడుతూనే
కాలం కొమ్మన మళ్ళీ మళ్ళీ ఉదయిస్తూనే ...
మళ్ళీ మళ్ళీ కొనసాగించలేని కల
ఓ నిర్లిప్త ప్రేలాపనే నిద్రలేని యామినిపెదవిపై
కల అల్లుకుపోవడానికి ఏం కావాలిగనుక ?
గుండె గూడులో రేగే ఉప్పెన తప్ప ,,
రగిలే ముల్లులా నిద్ర చీల్చుతుంటే
దుఃఖానికి పర్యాయపదం వేరే ఏముంది దుఃఖం కాకుంటే?
కళ్ళు బికారికాగితప్పడవల్లా
చీకటి చెంపల మీద గిరికీలు కొడుతుంటే
అన్ని అర్ధాలు అసంగతమే , నిరర్ధకమే
దుఃఖమొక్కటే దిక్సూచిలా --
*
తాజా కామెంట్లు