ఒక మాట:
Chuck Palahniuk 1996 లో రాసిన పుస్తకం Fight Club నుంచి ప్రేరణ పొంది David Fincher అదే పేరు తో 1999 లొ సినిమా తీసాడు. ఇందులో పాత్రలు Tyler Durden (Brad Pitt), Narrator (Edward Norton), జీవితం మీద అసహ్యం తో ఉన్నవారి కోసంఒక recreational fight club ని మొదలుపెడతారు. క్లబ్ వారితో కలసి Project Mayhemపేరుతో క్రెడిట్ కార్డ్ కంపెనీస్ మీద అట్టాక్ ప్లాన్ చేస్తారు. విజయం సాధించినతరువాత Tyler Durden ఎవరికీ కనపడడు.
‘Fight Club’ లో
తగిలిన నా దెబ్బలు మానిపోతున్నాయి. Project Mayhem పూర్తయ్యింది.
Tyler Durden ఏమయ్యాడు? ఎక్కడున్నాడు?
_____________________________________________________________________________________________
నీ కుట్ర బయటపడింది. అందకుండా పారిపో , పరిగెత్తు !
వాళ్ళకి నచ్చేది నువ్వు చెప్పకపోతే కోపం. వాళ్ళకి తెలియనిది నీకు తెలిస్తే ఈర్ష్య. నువ్వు అనుకునేదే నిజం అంటే ‘ ఎవరికి , ఎప్పుడు, ఎలా’ అని ప్రశ్నలు. పోనీ నీ గదిలో నువ్వు ఉండిపోదామంటే సన్నని గోడ లోంచి వినపడే శబ్దాలు, అశాంతి. అలా కాదు, వదిలేసి ఎక్కడికైనా వెళ్ళిపోదాం అనుకుంటే , వెనకే వస్తారు, అరిస్తే నవ్వుతారు , ఏడిస్తే దగ్గరకు చేరతారు. నువ్వు వారిని నమ్మే సమయానికి – నీ నిగ్గు తేల్చి సమాజానికి నువ్వో కలుపు మొక్కవని నిరూపించే బాధ్యతని కిరోసిన్ లాగా వాళ్ళ మీద పోసుకుని నిన్ను అగ్గిపుల్ల అడుగుతారు. లేదు, ఇవ్వనంటే వారి కడుపుమంట తో నీకు నిప్పు పెడతారు. ప్రాణమున్న నీ ఉద్దేశాలు ఒక్కొకటీ కాలిపోతుంటే చలి కాచుకుంటారు. సిగరెట్ వెలిగించుకుంటారు. నీ తప్పులకి శిక్షలు గరుడపురాణం లో వెతికి చంకలు గుద్దుకుంటారు.
” మా మీద వాలండి , వీలుగా ఉంటుంది ” , ” ఇలా రండి కూర్చోండి ఎందుకు నిలబడతారు ” అని ఆశలు పెడతారు. నువ్వు వంగక పోతే, నిద్ర పోనివ్వరు, నీ స్థిమితం చెడగొట్టే సంఘాలు ఏర్పరచి సమావేశాలు జరుపుతారు. నీకు వచ్చే ప్రశ్నల్లో, కలల్లో జొరబడి వాటి నిజమైన జవాబులు ఈదలేని మహాసముద్రం లో విసిరేస్తారు. వారికి తట్టే జవాబులని నీ మొహాన విసిరేస్తారు. పొంతన కుదరక నువ్వు తికమక పడుతుంటే ఆశ్చర్యపడతారు. తప్పులని నువ్వు కేకలు పెడితే జాలిపడతారు. పిచ్చాసుపత్రిలో చేర్పిస్తారు.
నీ పక్క నించునేది ఎవరు ? నువ్వు చెప్పేది వినేదెవరు ? నువ్వు చచ్చేప్పుడు తప్ప వినే తీరిక ఉండదు జనానికి. స్వార్థాసక్తి. పోయేవాడు ఏం చెప్పి పోతాడో అనే జిహ్వచాపల్యం. నిన్ను వదలరు. రోజూ వచ్చి, దగ్గర కూర్చుని కాలక్షేపం చేస్తారు. నీ కథ ని అందరికీ చెప్పి , వచ్చే సానుభూతి నీకు చేరకుండా మధ్యలో దారిదోపిడీ చేసి గాని సుఖించరు. నువ్వు మాట్లాడే మాటలకి ఇచ్చే విలువని నువ్వు బతికున్నావా చస్తూ ఉన్నావా అన్న స్థితి మీద తూచుతుంటారు. అదే వారు నీకిచ్చే గౌరవం. నీ దౌర్భాగ్యం .
అన్నిటినీ తప్పించుకుంటూ, అధిగమించి , పునర్జన్మించావ్. సమాధానాల కవచకుండలాలతో. ఇప్పుడు వీళ్ళంటే భయం లేదు. అసహ్యాన్ని కప్పిపుచ్చి అవసరాన్ని పైకి తేల్చావ్. వాస్తవాల ప్రచారానికి, లోకాల కల్యాణానికి. ఒక్కో ఏరూ దాటాక అబద్ధపు తెప్పలని నిర్భయంగా తగలేశావ్. గానుగెడ్లను విడిపించావ్. కొరడాలతో కొడుతున్నవారిమీదకే వాటి కసి తీరా వదిలేశావ్. హేతువు కోసం కరిగిపొమ్మన్నావ్ , చచ్చిపొమ్మన్నావ్, సమాధులు కట్టించావ్, స్తవాలు పాడించావ్. చచ్చిపోయిన దేవుడి స్థానం నీదేనని అనుకున్నావ్. ఒక్కసారే విశ్వమంతటికీ మరమ్మత్తు ప్రారంభించావ్. యజ్ఞాన్ని సంకల్పించావ్. నీ జ్ఞానపు ముడులు విప్పి చండ మారుతాలు తెచ్చి ఖాండవాగ్ని సృష్టించావ్. నక్కి ఉన్న చుంచెలుకల కలుగులలో కాగడాలు విసిరేశావ్.
ఎలుకలు చచ్చి బయట పడ్డాయ్. ప్లేగు రేగింది. వాన కురిసింది. నిజాన్ని వెంటాడే మత్తు జనానికి దిగిపోయింది. పాత సుఖం వైపు మనసు మళ్ళిపోయింది. ఆత్మత్యాగాలకి అర్థాలు వెతుకుతున్నారు. వారు కూర్చున్న కొమ్మలని నరికింది నువ్వేనని తేల్చుకున్నారు. వారి అరచేతులని బలవంతం గా తలలమీద పెట్టబోయావని నిర్ధారించారు. మరపు నీచుల నైజం. అవిగో, నిజాల్లాగా పొర్లుతున్న అబద్ధాలు విను. నీకు నిప్పు పెట్టే కొరువులు బయల్దేరాయి చూడు. చూసి సగం చచ్చిపో.
గుర్తు చెయ్యటానికి ప్రయత్నించకు, బోధపడదు వాళ్ళకి. చెయ్యని తప్పు ఒప్పుకుని ఆగకు , నీ మోకాళ్ళు విరిచి ఈడ్చుకుపోతారు. వాళ్ళకి అర్థం కావాలంటే నువ్వు మళ్ళీ అజ్ఞానిగా జన్మ ఎత్తాలి. ఉన్న జ్ఞానం తో బతికిపోగలవు . దొరక్కుండా పారిపో. నీ కొత్త నిజాల గుడిసెలు ఎవరికి ? ఒక్కొక్కరికీ ఒక్కొక్క అబద్ధపు మేడ ఉంది.
వారి సుఖం కోరిన నిర్దాక్షిణ్యం నీది. నిన్ను కూడా చంపుకునే హంతకుడివి నువ్వు . ఉన్మాదివి, ఎవరూ లేని ఏకాకివి.
ఎంతకాలం పరిగెడతావ్ ? అలిసిపో. ఆగిపో. దొరికిపో. చచ్చిపో. ఆ నీచత్వం లో కలిసిపో . వర్ధిల్లు.
*
ఫైట్ క్లబ్ సినిమాని దాదావు నాలుగు సార్లు చూసాను. ఎందుకు ఇష్టపడ్డానో కచ్చితంగా చెప్పలేను, ఆ సినిమాలో ఎదో రా ఎనర్జీ ఉంది, ఇప్పుడు కూడా చూడగలనేమో!!. ఆ సినిమా గురించి ఎవరైనా ఇలా తెలుగు లో ఇంత మంచి write అప్ రాయగలరు అని ఊహించలేదు. వెల్ డన్ స్వప్నిక్. ఆ మూవీ స్పిరిట్ ని భలే క్యాచ్ చేసావు
Thank you సురేష్ గారు.
interesting
Thank You G S Ram Mohan garu !
“What I want is to be needed. What I need is to be indispensable to somebody. Who I need is somebody that will eat up all my free time, my ego, my attention. Somebody addicted to me. A mutual addiction.” ~ Chuck Palahniuk Quote
Thank you Swapnik.
Glad you have liked it Sir
వావ్..
ఐ సే నెవర్ బీ కంప్లీట్.. ఐ సే స్టాప్ బీయింగ్ పర్ఫెక్ట్..
ఫక్ డామ్నేషన్.. ఫక్ రిడెంప్షన్.. వియ్ ఆర్ గాడ్స్ అన్ వాంటెడ్ చిల్డ్రన్..
ఒన్స్ ఎగైన్.. వావ్..
Thank you. You have quoted awesome lines of Chuck.