పాదులు వేసి
నీరు పోసి
ఎరువులు వేసి
నెమ్మదిగా
పురికొసపందిరి మీదికి
పాకిస్తున్న ఈ ప్రేమపంచే చేతులు
ఏ నిశీధివీధిలోకో నిష్క్రమిస్తే,
ఈ రక్తరాగాలు అనునయగీతాలు
ఆలపించడం ఆపివేస్తే,
చిదిమితే ఇంకా
పాలు కారుతున్న ఈ రెండు పూలమొక్కలు
తరిమే ఎండలోనూ
ఉరిమే వానలోనూ
కరిచే పెనుగాలులలోనూ
అడ్డుపడే అరచేతులు కానరాక…
అప్పుడెలా… ?
( ఇవా పిల్లలు చిన్నారి ఆకాంక్ష, చిన్నారి ఆర్యదేవ్ ల కోసం, ఒకానొక ఉద్వేగ సందర్భంలో )
ఒకానొక ఉద్వేగ సందర్భం