చెదరని సంతకం

~ బండారి రాజ్ కుమార్August 11, 2016 3 Comments

నిన్ను నువ్వు అద్దంలో జూసుకుని
తాషిలి మొఖపోనివని బిరుదులిచ్చుకున్నప్పుడు
తాకట్లుబెట్టి…తలకుబోసుకుంటవని
నీలో సగం నీతో పరాశాకాలాడినప్పుడు
తప్పెవరిదైనా.. బోనులో నిన్నొక్కడినే నిలబెట్టి
ముద్దాయివని ముద్దెర్లు గుద్దినపుడు
యుద్ధంలో ప్రత్యర్ధి సుత
నీ ప్రతిబింబమేనని ఎరుకైనపుడు

నీకు నువ్వే…
జవాబు లేని ప్రశ్నవై
అటక మీద ఓరకు బెట్టిన
సత్తుపైసల మూటవై
జిబ్బ జిబ్బ ముసురుకున్న సంతలో
బ్యారంగాని ల్యాగదూడవై
లబ్బలబ్బ మొత్తుకున్నా…
ఇనుపించుకోని మావుల మన్సుల నడ్మ
పిడ్సగట్కబోయిన నాల్కెవై

art: Rafi Haque

లంగరేసిన పడవలెక్క ఎటూకదల్లేక
తోట్ల బొమ్మోలె నిలబడి
పాలిపోయిన మొఖంతో
బీరిపోయిన సూపులతో
యుద్ధంలో గాయపడ్డ సైనికునిలా..
మనసంతా కలి కలి!
నెత్తురు పేరుకపోయిన కండ్లతో
అంతా మసక మసక !!

మాయిల్నే కోంచెపడేటోల్లు
కూసున్న కొమ్మనే నరుక్కునేటోల్లు
తమ కన్ను తామే పొడ్సుకునేటోల్లు
నీ కంతకు సూటివెట్టి…
నువ్వెప్పుడో ఓడిపోయినవని ఎకసెక్కాలాడుతరు !

నువ్విప్పుడు
పారుతున్న ఏరుతోటి పొత్తుగూడి …
తొక్కుడుబండ మీద ..
చెక్కుచెదరని సంతకమవ్వాలె !!

Filed Under: తరంగ Tagged With: బండారి రాజ్ కుమార్

మీ మాటలు

T.VENU says:

August 15, 2016 at 5:24 pm

రాజ‌న్న‌..మీ చెద‌ర‌ని సంత‌కం.. చెదిరిపోని జ్ఞాప‌కాల‌ను గుర్తుచేసిన‌యి. భావంతో పాటు తెలంగాణ ప‌ద భాగ్యాన్ని చ‌దివేలా చేసినందుకు థ్యాంక్స్‌. నాకైతే మీ ప్ర‌తీ అక్ష‌రం అద్దంలెక్క‌న్పించింది.బ‌త్క‌నీకి సోప‌నాలైన అప‌జ‌యాలు,అవ‌మానాల తియ్య‌ని గాయాల‌ను గుర్తుచేసింద‌న్నా..గిట్ల‌నే బ‌గ్గ రాస్తుండ‌న్నా..

Reply
- BANDARI RAJKUMAR says:
  
  August 16, 2016 at 7:17 am
  
  Anna thanks a lot for your appreciation
  i keep in mind your words
  
  Reply
- బండారి రాజ్ కుమార్ says:
  
  August 16, 2016 at 7:25 am
  
  కృతజ్ఞతలు వేణు అన్న
  నా కవిత్వం ఏ ఒక్కరి హృదయాన్ని కదిలించినా నా పుట్క పుర్సతేనే!
  
  Reply

మీ మాటలు Cancel reply

తెలుసు

ఈ రాత్రి వొడవదు ఎన్నో రాత్రి ఇది చెంప మీద ఎన్నో కన్నీటి చుక్క జారి ఆరిపోతున్నది తెల్లని మంటయ్ కురుస్తున్న మంచు కిటికీ అద్దం మీద వీధి లాంతరు విసుగు ఒక్క వెచ్చని వూహ లేదని ఫిర్యాదు దృశ్యం మారితే బాగుండు, మార్చేది ఎవరు నేనెప్పుడూ చీకట్లో ఆడుకుంటున్న ఆడపిల్లనే నా చుట్టూరా నల్లని కందకం, ప్రతిబింబం లేని అద్దం వృత్తాకార కందకంలో నాచు పట్టిన కత్తులు కందక ఖడ్గానికి పొదిగిన పచ్చల వలె చుక్కలు నల్లని అద్దాన్ని దాటే … [ఇంకా చదవండి ...]

సుగాలిపిల్ల

నువ్వంతే ఎప్పుడూ నిత్య వికసిత కుసుమానివై పరిమళం వెదజల్లుతుండు నిను కాంచే చూపుల పై... దేహాలపై... ~ నీ నవ్వుకు వేలాడుతుంది ఓ ముక్క ఆకాశం కాంతి సముద్రాన్నెత్తుకొని నీ నడుమ్మోసే చంటిపాపలా ఓ మాయని మాయలా ముడతలు కొన్ని నీ ముఖంమ్మీద అందం చెక్కిన ఆనందాలౌతుంటాయి అసలే నలుపు ఆపై చెవికి చెవులై వేలాడే లోలాకులు నక్షత్రమంత కాకపోయినా అలాంటిదే ఓ ముక్కు పుడక నీ ముక్కు అందం జుర్రేసుకుంటూ అంత వరకూ చూడని రంగురంగుల సీతాకోకచిలుక దేహపుహోళిలా నిను చుట్టేసిన బట్టల అద్దాల్లోంచి తొంగి … [ఇంకా చదవండి ...]

నిర్భయారణ్యం

నా లోపలి సతత హరితారణ్యానికి ఎవడో చిచ్చు పెట్టాడు మట్టిదిబ్బలూ ముళ్లపొదలూ తప్ప తుమ్మముళ్లూ బ్రహ్మజెముళ్లూ తప్ప పూల పలకరింపుల్ని ఆఘ్రాణించలేని పక్షుల రెక్కల ఆకాశాల్ని అందుకోలేని సెలయేళ్ల లేళ్లను తనలోకి మళ్లించుకోలేని జంతుజాతుల జన్మరహస్యాల్ని పసిగట్టలేని మనిషిరూపు మానవుడొకడు ఒళ్లంతా అగ్గి రాజేసుకుని అంటించేశాడు వాడు విధ్వంసపు మత్తులో తూలుతూ మంటల ముందు వెర్రిగా తాండవమాడుతూ ++++++ కాలమాపకయంత్రం మలాము పూసింది కాలిన గాయాలు కనుమరుగవుతున్నాయి పచ్చదనం మళ్లీ … [ఇంకా చదవండి ...]

‘సారంగ’ వెబ్ వార పత్రిక ముఖ్య లక్ష్యం ఉత్తమ స్థాయి సాహిత్యాన్ని ప్రచురించడం, ప్రోత్సహించడం! మీ రచన ను తప్పనిసరిగా యూనీకోడ్ లో కంపోజ్ చేసి పంపండి. పంపే ముందు మీరు ఒకటికి రెండు సార్లు ఎడిట్ చేసుకోండి. అచ్చు తప్పులు లేకుండా చూసుకోండి. అలాగే, ‘సారంగ’లో ప్రచురితమయిన ప్రతి రచన పైనా మీరు కేవలం ప్రశంసలే కాదు, సునిశితమయిన / అర్థవంతమయిన విమర్శ కూడా చేయండి [...ఇంకా చదవండి]

చెదరని సంతకం

Related

మీ మాటలు

మీ మాటలు Cancel reply

సారంగ సారథులు

హెచ్చార్కె/ మహమూద్/ ఎమ్వీ రామిరెడ్డి

తెలుసు

సుగాలిపిల్ల

నిర్భయారణ్యం

రచయితలకు సూచనలు

తాజా కామెంట్లు

పాత సంచికలు

సారంగ రచయితలు

శీర్షికలు