ఖరీదు కట్టలేని క్షణాలెన్నో
తామరాకుపై నీటిబొట్లైపోతాయి
కరిగిన కాలమంతా ముగ్ధలా
ఆ మేఘాల్లో ముడుచుకొని ఉంటుంది
మరెప్పటికీ అందుకోలేకపోయినా
పదే పదే మనసుల్లో వర్షిస్తూనే
ఎంతకాలమైందో నువ్వలా వెన్నెల్లా నవ్వి
మళ్ళీ ఓసారి నవ్వవూ!
ఎప్పటిలాగే దోసిట్లో నీ నవ్వులను పేర్చుకొని
మరో నిశిని అందంగా వెలిగిస్తాను
వెలుతురు పిట్ట ఒకటి ఎందుకో ముభావంగా చూస్తూ ఉంది
దూరాన పడమటి కొండల్లో కాంతిపుంజం స్పృహ తప్పి పడిపోయింది
నువ్వు ఎదురుచూస్తున్న ప్రభాతం
నీకు మాత్రమే కొన్ని యుగాల దూరంలో ఆగిందేమో
ఎగిరిపోయిందెక్కడికో ఆ వెలుతురు పిట్ట
గోధూళిలో అలా కనుమరుగయ్యేంతవరకూ వెళ్ళింది,
*
ఎంతకాలమైందో నువ్వలా వెన్నెల్లా నవ్వి
మళ్ళీ ఓ సారి నవ్వవూ….
సరితా భూపతే గారికి అభినందనలు.
Thank you sir!
Goodpoem…
Thank you andi!
కరిగిన కాలమంతా ముగ్ధలా
ఆ మేఘాల్లో ముడుచుకొని ఉంటుంది …చాల బాగుంది సరితా
ఎప్పట్లాగే దోసిట్లో నీ నవ్వులను పేర్చుకొని
మరో నిశిని అందంగా వెలిగిస్తాను .
👌👌