వాయిదా వేయ్

~ ఊర్మిళDecember 1, 2016 3 Comments

painting: Rafi Haque

ఈ క్షణాన్ని

వాయిదా వేయ్

మళ్ళీ మళ్ళీ యుగాల కాలాన్ని

బంధిస్తా

అసమ్మతి సందర్భాన్ని

వాయిదా వేయ్

సమ్మతించిన కలయికలని

గుమ్మరిస్తా

మూసిన కలలను

వాయిదా వేయ్

తెరిచిన నిజాలను

నీ ముందు నిలుపుతా

తక్షణ మోహాలను

వాయిదా వేయ్

అచిర కాల ఆరాధననై

నిలుస్తా

కరచాలన పలకరింపులను

వాయిదా వేయ్

హృదయం విప్ప

పూయిస్తా

ముసురు కప్పిన మునిమాపులను

వాయిదా వేయ్

వెలుతురు పిట్టల ఉషస్సులను

ఎగుర వేస్తా

ఆకలి గొనన్న దాహాలను

వాయిదా వేయ్

మధుశాలలో చషకాన్నయి

అందివస్తా

నుదుట ముడిచిన సందేహాలను

వాయిదా వేయ్

కంటి చివర ఆనంద ధారలు

కురిపిస్తా

రగులుతున్న దేహాన్ని

వాయిదా వేయ్

శీతల గంధమై

హత్తుకుంటా

Filed Under: తరంగ Tagged With: ఊర్మిళ

మీ మాటలు

gsrammohan says:

December 1, 2016 at 11:32 pm

good one

Reply
Rani padmaja says:

December 3, 2016 at 12:12 am

ముసురుకున్న సందేహాలను వాయిదా వేయ్…వాస్తవిక ప్రపంచాన్ని విప్పి చూపిస్తా నన్నంత ధీటుగా ఉంది..చాలా బావుంది

Reply
syed sabir hussain says:

December 7, 2016 at 5:21 am

బాగుంది…..కొత్తగా వుంది….మంచి కాఫీ తాగినట్లుంది.

Reply

తెలుసు

ఈ రాత్రి వొడవదు ఎన్నో రాత్రి ఇది చెంప మీద ఎన్నో కన్నీటి చుక్క జారి ఆరిపోతున్నది తెల్లని మంటయ్ కురుస్తున్న మంచు కిటికీ అద్దం మీద వీధి లాంతరు విసుగు ఒక్క వెచ్చని వూహ లేదని ఫిర్యాదు దృశ్యం మారితే బాగుండు, మార్చేది ఎవరు నేనెప్పుడూ చీకట్లో ఆడుకుంటున్న ఆడపిల్లనే నా చుట్టూరా నల్లని కందకం, ప్రతిబింబం లేని అద్దం వృత్తాకార కందకంలో నాచు పట్టిన కత్తులు కందక ఖడ్గానికి పొదిగిన పచ్చల వలె చుక్కలు నల్లని అద్దాన్ని దాటే … [ఇంకా చదవండి ...]

సుగాలిపిల్ల

నువ్వంతే ఎప్పుడూ నిత్య వికసిత కుసుమానివై పరిమళం వెదజల్లుతుండు నిను కాంచే చూపుల పై... దేహాలపై... ~ నీ నవ్వుకు వేలాడుతుంది ఓ ముక్క ఆకాశం కాంతి సముద్రాన్నెత్తుకొని నీ నడుమ్మోసే చంటిపాపలా ఓ మాయని మాయలా ముడతలు కొన్ని నీ ముఖంమ్మీద అందం చెక్కిన ఆనందాలౌతుంటాయి అసలే నలుపు ఆపై చెవికి చెవులై వేలాడే లోలాకులు నక్షత్రమంత కాకపోయినా అలాంటిదే ఓ ముక్కు పుడక నీ ముక్కు అందం జుర్రేసుకుంటూ అంత వరకూ చూడని రంగురంగుల సీతాకోకచిలుక దేహపుహోళిలా నిను చుట్టేసిన బట్టల అద్దాల్లోంచి తొంగి … [ఇంకా చదవండి ...]

నిర్భయారణ్యం

నా లోపలి సతత హరితారణ్యానికి ఎవడో చిచ్చు పెట్టాడు మట్టిదిబ్బలూ ముళ్లపొదలూ తప్ప తుమ్మముళ్లూ బ్రహ్మజెముళ్లూ తప్ప పూల పలకరింపుల్ని ఆఘ్రాణించలేని పక్షుల రెక్కల ఆకాశాల్ని అందుకోలేని సెలయేళ్ల లేళ్లను తనలోకి మళ్లించుకోలేని జంతుజాతుల జన్మరహస్యాల్ని పసిగట్టలేని మనిషిరూపు మానవుడొకడు ఒళ్లంతా అగ్గి రాజేసుకుని అంటించేశాడు వాడు విధ్వంసపు మత్తులో తూలుతూ మంటల ముందు వెర్రిగా తాండవమాడుతూ ++++++ కాలమాపకయంత్రం మలాము పూసింది కాలిన గాయాలు కనుమరుగవుతున్నాయి పచ్చదనం మళ్లీ … [ఇంకా చదవండి ...]

‘సారంగ’ వెబ్ వార పత్రిక ముఖ్య లక్ష్యం ఉత్తమ స్థాయి సాహిత్యాన్ని ప్రచురించడం, ప్రోత్సహించడం! మీ రచన ను తప్పనిసరిగా యూనీకోడ్ లో కంపోజ్ చేసి పంపండి. పంపే ముందు మీరు ఒకటికి రెండు సార్లు ఎడిట్ చేసుకోండి. అచ్చు తప్పులు లేకుండా చూసుకోండి. అలాగే, ‘సారంగ’లో ప్రచురితమయిన ప్రతి రచన పైనా మీరు కేవలం ప్రశంసలే కాదు, సునిశితమయిన / అర్థవంతమయిన విమర్శ కూడా చేయండి [...ఇంకా చదవండి]

వాయిదా వేయ్

Related

మీ మాటలు

Leave a Reply to Rani padmaja Cancel reply

సారంగ సారథులు

హెచ్చార్కె/ మహమూద్/ ఎమ్వీ రామిరెడ్డి

తెలుసు

సుగాలిపిల్ల

నిర్భయారణ్యం

రచయితలకు సూచనలు

తాజా కామెంట్లు

పాత సంచికలు

సారంగ రచయితలు

శీర్షికలు