కందుకూరి రమేష్ బాబు
మళ్లీ తెలియజెప్పడం కష్టమే.
కానీ, ఒక ప్రయత్నం.బాగా చదివుకున్నాం. పెద్ద పెద్ద ఉద్యోగాలు చేస్తున్నాం. గ్లోబల్ విలేజ్ నివాసులం.
ఉండవచ్చు. కంప్యూటర్ విండోస్ గుండా మనకొక తెరుచుకున్నగవాక్షం ఇవ్వాళ ఉండవచ్చుగాక.
కానీ, నాడే కాదు, నేటికీ ఇట్లా – ఇంట్లో పనిపాటా చేసుకునేవాళ్లకూ తలుపులున్నాయి.
తలుపుల గుండా విండోస్ ఇలా తెరిచే ఉన్నాయి. ఆదొక సిస్టమ్.
రెండేళ్ల క్రితం ఒకతను మెసేజ్ పెట్టాడు, ‘కొన్ని చిత్రాలు నేను ఫేస్ బుక్ లోంచి కాపీ చేసుకోవచ్చా?’ అని!
‘ఒకే’ చెప్పడానికి ముందర ‘ఎందుకో కనుక్కోవచ్చా?’ అంటే అతనన్నాడు, తాను నగరంలోని దిగువ ప్రాంతంలో ఉంటానని! అంటే తార్నాక పరిసరాల్లోనట! అక్కడ ఇంటీరియర్ కాలనీలో తానొక చోట నివసిస్తాడట! అక్కడ్నుంచి రోజూ హైటెక్ సిటీకి వెళ్లి సాప్ట్ వేర్ నిపుణుడిగా పనిచేసి వస్తాడట. ఒక రోజట. తన టీమ్ మేనేజర్ అన్నాడట. ‘ఎందుకు అక్కడే ఉంటావు, ఇక్కడ సైబరాబాద్ ఏరియాలో వుండొచ్చు కదా’ అని! దానికతను జవాబు చెప్పలేక పోతున్నాడట. అందుకని కొన్నిఫొటోలు కావాలట!
కొన్నిమధ్య తరగతి, దిగువ మధ్య తరగతి, ఇంకా దిగువ తరగతి పనీపాటల్లో ఉన్న జీవనచ్ఛాయలు, వారు నివసించే వీధులు, ఆ జీవన కోలాహాలం…అదంతా కాపీ చేస్కొంటాడట. వాటిని అతడికి చూపిస్తాడట.
ఒక హార్డ్ డిస్కుకు సాఫ్టువేరు ఎర!
నిజంగానే చూపాడట.
తర్వాత ఆ అధికారికి అర్థమైందట.
ఇతని విండోస్ అతడికి తెరుచుకోవడం ఒక చిత్రమే.
అప్పట్నుంచి మల్లెప్పుడూ అతడు ఇతడ్నితన నివాసాన్ని మార్చమని అనలేదట.
తననే కాదు, ఎవ్వర్నీ కూడా.
చిత్రం.
దృశ్యం ఒక అనుసంధానం.
ఒక సాప్ట్ వేర్!
గ్రామీణ జీవితంలోంచి వచ్చిన వాళ్లకు లేదా బీడీలు చుట్టిన తల్లుల బిడ్డలకు ఊరు కావాలి. పట్నంలో ఉన్నా కూడా. వాళ్లు ఎంత దూరం వెళ్లినా ఆ తలపులు వీడిపోవు. ఎంతటి ఆధునిక జీవన వ్యాపకాల్లో ఇమిడినా గతం మారిపోదు. మరెన్ని కొంగ్రత్త పనులు నేర్చినా గానీ, ఆ చేతి వేళ్ల మధ్య కత్తెర చేసే ఒక సంగీత రవళి ఒకటి, చేటలోని తంబాకు వాసన ఒకింత వాళ్లను పట్నంలోంచి సరాసరి ఇంట్లోని మల్లెసార్లకు అడుగుపెట్టేలా చేస్తది. అక్కడ్నుంచి గడప దగ్గర కూచున్న నాయినమ్మ దగ్గరకో, చిన్నమ్మ చెంతకో చేరుస్తుంది. ఆ చ్ఛాయ పదిలం. అవన్నీ ఇంకా దిగువన ఉన్నాయి. పైకి వెళ్లేకొద్దీ అవి కావాలి.
విండోస్ అందుకే.
ఈ చిత్రం చేసింది మరి ఈ ఏడే.
‘దృశ్యం ఒక అనుసంధానం’ చాలా చాలా బావున్నాయి సర్ అన్నీ , ఫొటోస్ తో సమానమైన లోతైన అక్షరాలు. ఈ వారం లో ఎన్నోసారో ఇటు రావడం, స్నేహితులతో, బంధువులతో కలిసి ఈ పేజీ చూడడం . TQ సర్
అవునా? చాల సంతోషం.
స్నేహితులతో, బంధువులతో కలిసి ఈ పేజీ చూడడం . చాల బాగుందండి. థాంక్ యు ప్లీజ్.