‘ఎమరీ’లో కొప్పాక తెలుగు పీఠం!

వేలూరి వేంకటేశ్వర రావు

 

తెలుగు సాహిత్యానికి, పశ్చిమగోదావరి జిల్లాలో చిన్న ఊరు  వసంతవాడకి, ఈనాటికీ  వాడకంలో ఉన్న కేన్సర్ ఔషధం మిత్ర మైసీన్ కి, అమెరికాలో  ఎమరీ విశ్వవిద్యాలయానికీ ఒక  విచిత్రమైన అనుబంధం ఉంది.   ఆ అనుబంధం   తెలుసు కోవాలంటే, కొప్పాక విశ్వేశ్వర రావు గారి జీవిత చరిత్ర తెలుసుకోవాలి.  నిజం చెప్పాలంటే, ఆయన జీవితం ఒక అద్భుత కాల్పనిక కథలా కనిపిస్తుంది.

కొప్పాక విశ్వేశ్వర రావు (1925-1998), సీతాపతి, విజయలక్ష్మి గార్ల రెండవ కుమారుడు.   వాళ్ళది వసంతవాడలో ఒక పేదకుటుంబం. విశ్వేశ్వర రావు గారు వారాలు చేసుకొని చదువుకున్నారు. క్రమంగా ఆయన  ఇరవమూడేళ్ళ వయసులో ఆంధ్రా యూనివర్సిటీ నుంచి   రసాయనశాస్త్రంలో డాక్టరేట్‌ పట్టా పుచ్చుకొని, తరవాత అమెరికాలో విస్కాన్‌ యూనివర్శిటీ లో బయోకెమిస్ట్రీలో మరొక డాక్టరేట్‌ డిగ్రీ తెచ్చుకున్నారు.  1954 లో ఆయన, భార్య సీత గారితో సహా  – అమెరికాకి వలస వెళ్ళారు.  అక్కడ  ఫైజర్‌ కంపెనీలో పరిశోధకుడిగా చేరారు.  సహజంగా ప్రకృతిలో దొరికే పదార్థాలు కేన్‌సర్‌ నివారణకి ఔషధాలుగా ఉపయోగించడానికి ఆయన చేసిన పరిశోధన ఆయనకి అంతర్జాతీయ ఖ్యాతి తెచ్చింది. ఆయన కనిపెట్టిన  “ మిత్రమైసీన్,” అనే మందు ఇప్పటికీ కేన్‌సర్‌ నివారణకి వాడుతున్నారు.

విశ్వేశ్వర రావు గారికీ,  సీతగారికీ  ప్రాచీన తెలుగు సాహిత్యంఅన్నా, సంగీతం అన్నా, వల్లమాలిన ఇష్టం.  ఆయన తిక్కన్ననీ, పోతన్ననీ తన  పిల్లలకీ  ఆప్యాయంగా వినిపించేవారు. ఆయనజీవితం చివరి రెండు సంవత్సరాలలో, తెలుగు, సాహిత్యం, సంస్కృతి, చరిత్ర, సంప్రదాయం  – అమెరికాలో పెరుగుతున్న భారతీయులకీ, అమెరికనులకీ చెప్పవలసిన అవసరం ఉన్నదని గ్రహించి, ఆపని చెయ్యడానికి  విశ్వవిద్యాలయాలే తగిన స్థానాలని గుర్తించి  అమెరికాలో ఏదయినా ఒక పెద్ద విశ్వవిద్యాలయంలో తెలుగు పీఠం ఏర్పాటు చేయాలని స్థిరంగా నిశ్చయించుకున్నారు.  కాని, అది  ఆయన బతికి ఉండగా చెయ్యలేకపోయారు.

ఆయన కోరిక తీర్చడానికి వారి సతీమణి సీత గారు,  పిల్లలు, విజయ లక్ష్మీ రావు, వెంకటరామా రావు,   జయ రావు,  – 2000 సంవత్సరంలో  కొప్పాక ఫేమిలీ ఫౌండేషన్‌ స్థాపించారు.

అట్లాంటాలో ప్రసిద్ధికెక్కిన ఎమరీ యూనివర్శిటీలో తెలుగు పీఠం ఏర్పాటు చెయ్యడానికి  పదిహేను లక్షల డాలర్లు (సుమారు తొమ్మిది కోట్ల రూపాయలు)  కావాలి.  అందులో సగం, అంటే 750,000 డాలర్లు (దాదాపు నాలుగున్నర కోట్ల రూపాయలు) ఇచ్చి, మిగతా సగం ఎమరీ యూనివర్సిటీని ఇతర దాతల సహాయంతో కూడబెట్టుకోమని చెప్పారు.  కాని గత ఐదు సంవత్సరాలలో, దేశవ్యాప్తంగావున్న తెలుగు సాంస్కృతిక సంస్థలు, తెలుగు దేశపు  ప్రభుత్వాధికారులు, ఇక్కడి తెలుగు ధనవంతులూ – ఎవరూ ముందుకు వచ్చే పరిస్థితి కనిపించకపోవడంతో, ఈ ఆచార్య పదవి ఏర్పడదనే అనుమానం వచ్చింది.  అప్పుడు, కొప్పాక ఫేమిలీ ఫౌన్‌డేషన్‌ వారే కల్పించుకొని, ఆరెండవ భాగం, తామే ఇస్తామని వాగ్దానం చేసారు.

about-visiting-quad-students-walking-530

ఇప్పుడు, మార్చ్‌ 26, 2015 న ఎమరీ యూనివర్శిటీలో తెలుగు ఆచార్యపదవి నెలకొల్పబడబోతున్నది.  దాని పేరు  ఆధికారికంగా # The Visweswara Rao and Sita Koppaka Professorship in Telugu Culture, Literature, and History#.  విశ్వేశ్వర రావుగారి కోరిక తీర్చడానికి  వారి పిల్లలు ముందుకు వచ్చి, మాటలతో కాకండా, చేతలద్వారా మార్గదర్శకత్వం వహించడం  అందరు తెలుగువాళ్ళూ గర్వించదగ్గ విషయం.

ఒక్క తెలుగు కుటుంబ ధార్మిక సంస్థ ఒక యూనివర్శిటీ లో తెలుగు ఆచార్య పదవికై  మూలధనం ఇవ్వడం ప్రపంచంలో ఇదే మొట్టమొదటిసారి అని చెప్పవచ్చు.  దేశవ్యాప్తంగా పనిచేస్తున్న తెలుగు సాంస్కృతిక సంస్థలకీ, తెలుగు మీద నిజమయిన అభిమానం ఉన్న వ్యక్తులకీ, ఇది ప్రేరణ అవాలని వాంఛించడం  అనుచితం కాదు.

ఇది కాక కొప్పాక ఫౌండేషన్‌ వారు, ఇంకా చాలా జనహిత కార్యక్రమాలకి  అమెరికాలోను, తెలుగునాటా  విరాళాలు ఇస్తున్నారు.

 

విశ్వేశ్వర రావు గారికి  1998 లో గుండె పై శస్త్ర చికిత్స జరిగింది. ఆయన వైద్యశాలలో ఉండగా, వారి పిల్లలు – ఇద్దరు వైద్యులు—వారికి వైద్య వ్యవస్థలో ఉన్న లోపం  చాలా బాధ కలిగించింది.   డాక్టర్లకీ, రోగులకీ, వారి కుటుంబ సభ్యులకీ  మధ్యన  అన్యోన్యత పెంపొందిచడం చాలా అవసరమని, ప్రస్తుతం వైద్యవిద్యాలయాలలో  పరిస్థితులు అందుకు అనుకూలంగా మారేటట్టు చెయ్యాలని వారు అనుకున్నారు. అందుకోసం ఇప్పటివరకూ, పదిహేడు వైద్యవిద్యాలయాలలో ఇరవై ఆరు సందర్శకాచార్య పదవుల కోసం  విరాళాలు  ఇచ్చారు. వర్జీనియా వైద్యవిద్యాలయంలో ఉపన్యాసక పదవికి  శాశ్వత నిధి నెలకొల్పారు.  (ఈ కార్యక్రమానికి ప్రేరణ అయిన సందర్బాలని చర్చిస్తూ డా. వెంకటరమణ రావు, డా. జయ రావు గారు కలిసి రాసిన  వ్యాసం, “శాంతి” అన్న మకుటంతో ప్రసిద్ధ వైద్య  శాఖ పత్రిక (#Annals of Internal Medicine, Volume  137, Number 10, 19 November 2002#)  లో ప్రచురితమయ్యింది.  అంతే కాకండా, ఆర్థికంగా, సాంఘికంగా వెనుకబడిన విద్యార్థులకి ప్రత్యేక సహకారం కోసం కొప్పాక ఫౌన్‌డేషన్‌  నిధులు కేటాయిండానికి ప్రయత్నిస్తున్నారు.

విశ్వేశ్వర రావు గారు సహజ వనరుల ఔషధపరిశోధనలో ప్రపంచ ప్రసిద్ధులు. ఆయనకి తెలుగు భాషమీద, తెలుగు సాహిత్యం మీదా ఉన్న అధికారం, మమకారం ప్రపంచానికి తెలియదు గాని, ఆయన పిల్లలకి తెలుసు. వారు ఇప్పుడు, కొప్పాక ఫౌండేషన్‌ పేరుతో తెలుగు భాషకి అమెరికాలో చేసిన ఉపకారం, ఇంతకు పదింతలై పదిమందికి మార్గదర్శకం కాగలదని ఆశిద్దాం. తెలుగు భాష ప్రపంచ భాష అవడానికి నిజమైన దారి ఏర్పడుతుందని నమ్ముదాం.

అంధ్ర జ్యోతి  – మార్చ్‌, 25, 2015 సౌజన్యంతో

 

మీ మాటలు

  1. prabhakar rao says:

    కొప్పాక వారి కృషి కన్నా వారి భార్య పిల్లల కృషి అభినందనీయం చనిపోయిన వారి ఆశయాలకై తపించే కుటుంభం అందరికి ఆదర్శ ప్రాయం తెలుగు సాజిత్యానికి ఇదో మని కిరీటం

  2. Rajendra prasad Chimata says:

    తెలుగు వారు గర్వించ దగ్గ గొప్ప విషయం

  3. ఒక గొప్ప ఆశయంతో సాగుతున్న వీరికి ఆ భగవతుడి ఆశీస్సులు పుష్కలంగా ఉండాలని ఆశిస్తూ , ఈ వ్యాసం ద్వారా పరిచయం చేసిన వారికి కృతజ్ఞతలు _/\_

  4. Popularity of Telugu language is an inverted pyramid. Needs to be built from the grassroots level where it has no value. As a votary of Telugu, anyway, I humbly salute the long Herculean effort lying behind this landmark achievement.

  5. Veluri Venkateswara Rao says:

    Dear friends:

    Allow me to share with you all the following news item:

    On the 26th March 2015, the Koppaka Foundation Professorship was announced by the Dean of Emory College, Emory University. Ninety years old Koppaka Sita garu with her three children attended the function. The dean announced that Prof. Velcheru Narayana Rao, an internationally well-known Telugu, poet,critic, and translator will occupy the Koppaka Foundation Chair as its first professor. More than 200 Telugus and quite a few Americans have attended the function.
    The announcement was followed by an hour long well organized classical music concert, Kuchipudi dance performance, and poetry readings from classics along with English translations. After that the Dean of Emory College hosted a reception to the Koppaka family and the invited guests.
    At the reception, Dr. Venkataramarao Koppaka, M.D., Ph.D, son of Dr. Koppaka Visweswara Rao and Sita garu, who works for CDC spoke at the request of the dean. Dr. Koppaka spoke from his heart, truly from his heart, about his parents’ cherished desire to establish the Telugu Chair. During his short speech, he mentioned that the family first wanted to fund the Chair at the Central University in Hyderabad, and that effort did not ‘some how’ go far!
    When that effort did not ‘go far’ they opted to fund the chair at the Emory University in Atlanta which has a strong South Asian Languages and Cultural Studies program. (Personally, I really wonder why the Central University did not enthusiastically welcome the offer to fund the Chair!)

    It was not the right time or place find out why the Central University, Hyderabad administration did not pursue such a great offer and have the chair at their own institution.
    As one who has closely followed the birth of Emory Telugu Initiative about 5 years ago, its growth, and to witness the final establishment of the Telugu Chair in a premier university in the United States, I felt very proud, and at the same time very humbled and reminded of a line from one of Gurazada Apparao’s song:
    ” వట్టి మాటల్ కట్టి పెట్టోయ్
    గట్టి మేల్ తలపెట్టవోయ్”
    Sincerely, — Veluri Venkateswara Rao

  6. Veluri Venkateswara Rao says:

    Dear Friends:
    In reference to my previous note on the Telugu Chair and the Koppaka Family Foundation, I want to add the following correction:

    It was the Telugu University at Hyderabad that was offered the endowment by the Koppaka Family Foundation. It was not the central University, Hyderabad. Although I was present at the reception, I mistook and reported it as Central University, Hyderabad instead of reporting it as Telugu University, Hyderabad. I regret and apologize for my error. — Veluri Venkateswara Rao

మీ మాటలు

*