చార్లీ హెబ్డో, చారు వాక్కూ …

Charlie_Hebdo_Tout_est_pardonné

The front cover of 14 January 2015 edition, with a cartoon in the same style as the 3 November 2011 cover, uses the phrase “Je Suis Charlie”. (Headline translation: “All is forgiven.”) [

 

“పెద్ద అబ్సర్డ్ డ్రామా లా లేదూ ప్రపంచం అంతా? ‘గోదా’ సినిమాల్లోలా ఎవడెప్పుడు ఎలా చస్తాడో అర్థం కానంత వయొలెన్స్…”

“మనం ఇక్కడ ఈ సోఫాలో కూర్చుని చిప్స్ తింటూ తెలుగు సినిమా ప్రమోషన్ జాతర చూడ్డం కంటే వయొలెన్స్ ఏముందిలే గానీ, నీ గొడవేమిటో అర్థమైందిలే. ఆ ఫ్రెంచి గోల వదిలేయ్”.

“ఫ్రెంచ్ వైన్, ఫ్రెంచ్ సినిమా, ఫ్రెంచ్ కిస్, వాళ్ళ సాహిత్యం, ఆ ఫ్రీ మైండ్స్. కొత్త ఆలోచనల సీతాకోకచిలకలు అక్కడే ఎన్నో పుట్టి ప్రపంచమంతా విహరించాయి…”

“ఇక చాల్లే. వాళ్ళ లోకంలో వాళ్లుండిపోయి కార్టూన్లేసుకుంటూ బైట ఏం జరుగుతోందో తెలుసుకోకుండా బతికేస్తే సరా”

“వాళ్ళకంతా తెలుసు. బతుకుని లెక్క చెయ్యలేదంతే.”

“బతుకునే లెక్క చెయ్యనివాడు పొలిటికల్ కరెక్ట్ నెస్ ని మాత్రం ఏం లెక్క చేస్తాడ్లే. ‘నేనూ చార్లీనే’ అని కొంతమంది అంటుంటే ఆ మాటలో రేసిజం కోసం వెదుకుతూ మరెంతో మంది సున్నిత మనస్కులు బాధ పడుతున్నారు చూడు. ఏ మతం వాళ్ళ మనోభావాలూ దెబ్బ తినకూడదట. ‘ప్రవక్త బొమ్మ వెయ్యటం అపచారం అని వాళ్లంటుంటే మళ్ళీ మళ్ళీ వేస్తారేమిటీ? అంత గనం ఏముందబ్బా చావు కొనితెచ్చుకోడానికి? మాట్లాడక ఊరుకుంటే పోలా’ అంటున్నారు చాలామంది.”

అ…చ్ఛా……

అదేం దీ…..ర్ఘం?

“ఒక్క ‘అచ్ఛా’ ని ఎన్ని రకాల అర్థాలతో వాడతామో చెప్పాడుగా ‘పీకే’ !”

“ఇవాళ అన్నీ నిషిద్ధ ఫలాల గురించే మాట్లాడతావా ఏంటి?”

“కోట్ల డబ్బులు చేసుకుంటోంది ‘పీకే’! దాన్ని జనాలు నిషిద్ధం చెయ్యలేదు. ఆశారాం బాపూ ల్లాంటి కేసుల్లో సాక్షులు రైలు పట్టాల మీదకి పోతున్నారు. ఇవన్నీ అందరూ చూడ్డం లేదనుకుంటున్నావా? Begone Godmen !”

“చచ్చి నాస్తిక స్వర్గానున్న అబ్రహాం కోవూరు గార్ని ఎందుకు కదిలిస్తావ్ లే !”

“నాస్తిక స్వర్గమా ? ఏం తమాషాగా ఉందా?”

“మరి ? ఇరవైల్లో మనిషి నాస్తికుడు అవాలట. ముప్పైయేండ్లక్కూడా ఆధ్యాత్మిక మార్గానికి రాకపోతే ఆ మనిషిలో ఏదో తప్పు ఉన్నట్టేనట. మా ఆరెస్సెస్ అఖిల్ చెప్పాడు”.

“వాళ్ళమాటలకేంలే వినోదం పంచుతున్నారు. ప్లాస్టిక్ సర్జరీలూ, విమానాలు ఆకాశంలో తిప్పడాలూ, అణ్వస్త్రాలూ అన్నీ మన ఖాతాలోవే అంటున్నారు. ఇవన్నీ పురాతనమైనవీ, మనవే కాబట్టి కొత్తగా ఇప్పుడు కనిపెట్టేదేమీ లేదనే బ్రహ్మజ్ఞానంతో సైన్సు డిపార్టుమెంటుకి ఓ అయిదు పైసలు చాలంటున్నాది గవర్మెంటు.”

“అంటే, నీ తిక్క లెక్కల్తో మన ఆర్యభట్టు, మిహిరుడు, చరకుడు, శుశ్రుతుడు ఇంకా మనకి పేర్లు తెలీని గొప్పవాళ్ళు… వీళ్ళనీ గల్లంతు చేస్తున్నట్టున్నావే !”

Je_suis_Charlie.svg

The Je suis Charlie (“I am Charlie”) slogan became an endorsement of freedom of speech and press.

 

“ఛా… అపార్థుడా! లెక్కలకి ప్రాణం సున్నా. అల్లాంటి సున్నాని ప్రపంచానికిచ్చి, గ్రహస్థితుల లెక్కలు అప్పట్లోనే కరెక్టుగా చెప్పేశారుగా. మనవాళ్ళ తెలివిని తక్కువ చేస్తానా ? అలాటివాళ్ళు ఇంకా ఎవరెవరున్నారో తెలుసుకుని వాళ్ళు చేసిన పనేమిటో తవ్వి చూడటానికి చరిత్ర సైన్యాన్ని, సైన్సు సైన్యాన్ని పోషించాలిగానీ అది మానేసి, అన్నీ మావే అని దబాయింపుకి దిగుతుంటే ఎలా? మన పతంజలి, అదే… యోగసూత్రాల పతంజలి చాలడూ మనం ఛాతీ విరిచి పోజు పెట్టడానికి? అమెరికా మన యోగాని నెత్తినెట్టుకుని దాన్లో కొత్త ప్రయోగాలు చేస్తుంటే మనం చూడు… ఇది వాత్స్యాయనుడి భూమి కూడానని ఒప్పుకోడానికి ఇష్టపడరేం వీళ్ళు? పరమ పాశ్చాత్య విక్టోరియన్ ప్రూడరీని నెత్తినేసుకుని హిందూ మతోద్ధారకులం అంటూ పోజులు.”

“పతంజలి అంత పాపులర్ అంటావా అక్కడ?”

“అతను కాకపోతే అతనిచ్చిన యోగా. చాలదా? మన తెలుగు పతంజలి కూడా తక్కువ్వాడా? భూమి బల్లపరుపేనని వాదించి నిలబడ్డ గోపాత్రుడిలాటి గొప్పోడిని సృష్టించిన పతంజలి కంటే గొప్పవాడు ఎవడు? యోగ పతంజలి పేరు పెట్టుకుని, ప్రజాస్వామ్యంలో మందిబలాన్నిబట్టీ కులం పరపతినిబట్టీ భూమి గుండ్రమో బల్లపరుపో డిసైడ్ అవుతుందని బంగారమంటి మాటలు చెప్పి వెళ్ళాడు. ఈ పతంజలిని చదివితే సూర్యనమస్కారాలు చేసినంత రష్ వొచ్చేస్తుంది వొంట్లోకి.”

“అమ్మో పతంజలి పారవశ్యంలో పడకు. ఇక అందులోనే కూరుకుపోతావ్. చార్లీ హెబ్డో అని మొదలు పెట్టావు. దాంతో నా బుర్ర మతాల లోతుల్లోకి లావాలా ప్రవహిస్తోందనుకో.”

“అంతొద్దులే బాబూ. అవన్నీ పండితులకి వదిలేద్దాం. మామూలుగా మాట్లాడుకుందాం. మతాల సారం, అవి చెప్పే నీతులూ గొప్పవే. కాదంటే తంతారు గానీ, తమ మతాల్ని మిగతా మతాలతో తెగ పోల్చుకుని గొప్పలు పోతున్నారబ్బా చాలామంది !”

“అన్ని పాములూ తలెత్తితే లేడిక పాం కూడా తలెత్తిందట. కానీయ్. నీ గొప్పేంటో నువ్వూ చెప్పు.”

“నేను నాస్తికుణ్ణి. కులాన్ని, మతాన్ని నేను వదిలేసినా అవి నన్ను వదలవని గ్రహించిన నాస్తికుణ్ణి నేను.”

“ప్చ్… అదీ ఓ మాటే? పాత ఫాషన్ ! ఎవరి మతపు గనిని వాళ్ళు తవ్వితీసి, దొరికిన వజ్రాల్ని గర్వంగా ప్రదర్శించుకుంటున్న కాలంలో నాస్తికుణ్ణి అనటం చప్పగా చల్లారిన కాఫీలా ఉంది.”

“అది మంచి ఓల్డ్ వైన్ నాయనా, మత పైత్యానికి విరుగుడు.”

“అది కూడా హిందూమతం వైన్ లోని ఓ పెగ్గే.”

“కాదన్నానా? ఎంతైనా హిందూ మతంలో కొన్ని మంచి సౌకర్యాలున్నాయి లెద్దూ ! ‘నేను నాస్తికుడిని’ అని హాయిగా చెప్పేసుకోవచ్చు. ఎవడూ తల తీసేస్తాడన్న భయం లేదు. అది చారు వాక్కు… అంటే మంచి మాట . అదే … చార్వాకుని దారి. ప్రత్యక్ష ప్రమాణం కావాలన్నాడు కదాని ఆయన్ని పాపం హెడోనిస్టుగా ముద్ర వేసెయ్యటానికి తరువాతివాళ్ళు ఏమాత్రం ఆలోచించలేదేమో!

“ఇక ప్రవహించకు ఆగు. మిగతా మతాల్లో నాస్తికులు ఉండరన్నట్టు గొప్పలు పోతున్నవ్. నీ తూకం హిందూ గొప్పతనం వేపు మొగ్గుతోంది చూసుకో.”

“ఆపవో! ఈ ఇజాల గులాబీలతో ముళ్ళ బాధకూడా తప్పట్లేదు! అందరూ ‘బిట్వీన్ ద లైన్స్’ చదూతున్నారు. మనది ఏ కులమో మతమో లెఫ్ట్ రైట్ సెంటర్ లో ఎక్కడ మన్ని సెట్ చెయ్యొచ్చో ఊహించి వెంటనే ఆ పని చేసేస్తున్నారు. ఈ మతంలో ఇది బాగుంది అంటే కూడా తప్పేనా? ఇస్లాం లో వడ్డీ తీసుకోవటం తప్పని చెప్పి ప్రవక్త నిషేధించాడని విన్నాం. అసమానతల్ని చెరపటంలో ఇదెంత ముఖ్యమైన విషయం ! అలాగే క్రిస్టియన్ మతంలో ‘క్షమ’ ఎంత గొప్ప విషయం! ప్రతి మనిషీ సాధించి తీరాల్సిన ఆదర్శం. కానీ దీనికి విరుద్ధంగా చర్చ్ చేసిన దారుణాలు, తీసిన ప్రాణాలు తక్కువా? ఇప్పుడు పోప్ కాస్త అభ్యుదయం చూపిస్తున్నాడు గానీ!. ఇంకో మాట కూడా చెప్పుకోవాల్లే. నెహ్రూ, కమ్యూనిస్టులూ కలిసి రేపిన సెక్యులరిజం హిందూమతాన్ని చక్కటి సాఫ్టీ ఐస్ క్రీంలా తయారు చేసేసింది. అది సరిపోనట్టు ఇంకా ఆక్కుండా ప్రభుత్వాలు, సెక్యులరిస్ట్ లూ ఓవరాక్షన్ చేస్తూ పోతుంటే, అదును చూసి ఆ రెండు పెద్ద వ్యాప్తిమతాలతో సమానంగా దీన్నీ వాటిపక్కన కూర్చోబెట్టే ప్రయత్నంలోకి వచ్చేశారు మన హిందూత్వులు. ఇక హిందూ మతంలో వెరైటీ, ఓపెన్ నెస్ ఏం మిగుల్తాయి? ఘర్ వాపసీలు, ఆడా మగా ఆంక్షలు, నలుగురేసి పిల్లల్ని కనమని బోధలు… స్టాండర్డ్ మత గ్రంథం ఒకటి సెట్ చేసెయ్యాలని ప్రయత్నాలు. ఈ న్యురాసిస్ అంతా ఏమిటో! కాపీ కేట్స్!”

“ఎక్కువ రెచ్చిపోకు. పెరుమాళ్ మురుగన్ లా నీతో కూడా క్షమాపణలు చెప్పించెయ్యగలరు. నీ నాస్తిక మతం ప్రవర్ధిల్లిన తమిళనాట ఆ రచయితకి అలాటి దుర్గతి ఏమిటో ! పెరియార్ వారసులంతా ఏం చేస్తున్నారో! మతాన్నైతే తిడతారు తప్ప కులం అనేసరికి మనుషులంతా ఓట్ల మందల్లా కనిపిస్తారేమో వీళ్ళకి?”

“అబ్బా! పట్టేశావు. ఏ సిద్ధాంతం మాత్రం లొసుగుల్లేకుండా అంత పరిపూర్ణం? మన వంకరల్ని తీర్చి మంచిమనుషులుగా దిద్దటానికి చేసే ప్రయత్నాలు సిద్ధాంతాలవుతాయి. ఒక్కొక్కటి ఏనుగంత భారీగా పెరిగి ఘీంకరిస్తే ఒక్కొక్కటి రామచిలకలా సన్నగా ఓ ముచ్చట చెప్తుంది. నాస్తికత్వం అలాంటి రామచిలకే అనుకో. మతాల అరణ్యంలో అదీ అవసరమే. మనలో మాట! మా నాస్తికుల్లోనూ కొంచెంకొంచెం తేడాలున్నాయి.. నాస్తిక సంఘంవాళ్ళు పూలు పనికి రావని కూరగాయల మాలలు వేసుకోటం లాంటివి నా దృష్టిలో పూర్ ఈస్తటిక్స్ బాబా!”

“అంతేనా! నీ నాస్తిక రామచిలక ఏ దేవుడి గుళ్ళోనో వాలకపోతుందా నేను చూడకపోతానా? దేవుడి గుళ్ళో పులిహోరలూ పరమాన్నాల రుచీ, మీ బషీర్ ఇంట్లో షీర్ ఖుర్మా, హలీం, జార్జి స్వయంగా తయారు చేసి నీ నోట్లో పెట్టే క్రిస్మస్ కేకూ… ఇవి లేకపోతే నీ బతుకు మాత్రం వ్యర్థం కాదూ? మతాలు లేకపోతే నాలిక్కి ఈ రుచులెక్కడ దొరుకుతాయి స్వామీ?”

“నాలిక్కే కాదు, కళ్లకోసం మంచి మంచి శిల్పాలూ చిత్రాలూ నాట్యాలూ, చెవులకోసం చక్కటి సంగీతాలూ … లేవన్నానా? అమ్మో నువ్వు నన్ను సెంటీ లోకి లాగుతున్నావ్. విషయానికి రా. చార్లీ హెబ్డో టీమ్ ని అన్యాయంగా చంపెయ్యటం మరీ కరుడు గట్టిన ముల్లాలకి తప్ప ఎవరికీ నచ్చట్లేదంటున్నారు కానీ, ఆ కార్టూనింగ్ తో చాలామందికి సమస్య ఉందని చెప్తున్నారు. చాలామందిది కండిషనల్ ఖండన. ఈ కండిషనల్ ఖండన చేసేవాళ్ళు ఎక్కువమంది ఏదో ఒక మతాన్ని గట్టిగా నమ్మేవాళ్ళే. మహమ్మద్ మీద కార్టూనేస్తే మన దేవుళ్ళ మీద వేసినా ఒప్పుకోవాలి కదా, అది చెయ్యలేము కదాని ఆలోచనలో పడతారు. ఇంకా చాలామంది సగం సగం సెక్యులరిస్టులు. లేదా మనస్సులో అమెరికా ఘోరాలు గుర్తు తెచ్చుకుంటున్నవాళ్ళు. ఇంత గందరగోళంలో నాస్తికత్వమే సరైన చేదుమందు. మతాలూ, ప్రవక్తలూ, పోప్ లూ, స్వాములూ… ఎవరూ విమర్శకీ కార్టూనింగ్ కీ అతీతులు కారు నాస్తికుడి దృష్టిలో. బ్లాస్ఫెమీ అంటే నాస్తికుడికి తిండి తినడమంత మామూలు సంగతి. జార్జ్ కార్లిన్ ‘Atheism is a Non Prophet Organisation’ అన్నదందుకే. నిజానికది మతాల కేటరాక్ట్ ని కోసి తీసేస్తుంది. అప్పుడే మతాలు శుభ్రమైన కళ్ళతో మనిషిని చూడగలుగుతాయి.”

Indian journalists expressed solidarity with the victims of attack at New Delhi on 9 January 2015. Displayed cartoon by Shekhar Gurera Main article: Charlie Hebdo shooting On 7 January 2015, two Islamist gunmen[50] forced their way into and opened fire in the Paris headquarters of Charlie Hebdo, killing twelve: staff cartoonists Charb, Cabu, Honoré, Tignous and Wolinski,[51] economist Bernard Maris, editors Elsa Cayat and Mustapha Ourrad, guest Michel Renaud, maintenance worker Frédéric Boisseau and police officers Brinsolaro and Merabet, and wounding eleven, four of them seriously.[52][53][54][55][56][57] During the attack, the gunmen shouted "Allahu akbar" ("God is great" in Arabic) and also "the Prophet is avenged".[50][58] President François Hollande described it as a "terrorist attack of the most extreme barbarity".[59] The two gunmen were identified as Saïd Kouachi and Chérif Kouachi, French Muslim brothers of Algerian descent.[60][61][62][63] The "survivors' issue" Main article: Charlie Hebdo issue No. 1178 The day after the attack, the remaining staff of Charlie Hebdo announced that publication would continue, with the following week's edition of the newspaper to be published according to the usual schedule with a print run of one million copies, up significantly from its usual 60,000.[64][65] On 13 January 2015 the news came on BBC that the first issue after the massacre will come out in three million copies.[66] On Wednesday itself it was announced that due to a huge demand in France, the print run would be raised from three to five million copies.[67] The newspaper announced the revenue from the issue would go towards the families of the victims.[68] The French government granted nearly €1 million to support the magazine.[69] The Digital Innovation Press Fund (French: Fonds Google–AIPG pour l’Innovation Numérique de la presse), partially funded by Google, donated €250,000,[70] matching a donation by the French Press and Pluralism Fund.[71] The Guardian Media Group pledged a donation of £100,000.[72] Je suis Charlie Main article: Je suis Charlie

Indian journalists expressed solidarity with the victims of attack at New Delhi on 9 January 2015. Displayed cartoon by Shekhar Gurera 

“హిందూ లిబరల్ కంఫర్ట్ జోన్ లో కూర్చుని ఎంత బాగా పలుకుతోందో ఈ నాస్తిక రామచిలక !”

“కంఫర్ట్ జోన్ లో ఉన్నానన్నమాట కాదన్ను గానీ లిబరల్ హిందువు నిరంతరం ఇలాంటివాటిని వ్యతిరేకిస్తూ ఆ కంఫర్ట్ జోన్ ని కాపాడ్డానికి ప్రయత్నిస్తున్నాడు కాబట్టే ఇన్ని తెగల, జాతుల, కులాల, మతాల మనుషులున్న ఈ నేల ఘనీభవించి ఒకే గడ్డగా అయిపోకుండా వుంది. ‘హైదర్’, ‘పీకే’ లాంటి సినిమాల సక్సెస్ చూస్తే అలా కరడు గట్టే అవకాశం ఉందని కూడా అనిపించట్లేదు. తీవ్రవాదులు ఘోరాలు చేసినప్పుడల్లా మామూలు ముస్లిమ్ లు ఇరకాటంలో పడుతుంటారు. గట్టిగా ఖండించలేకపోగా ఇలాటివి జరిగిన ప్రతిసారీ వాళ్ళు దేశానికి విశ్వాస ప్రకటన చెయ్యాలి. చాలామంది లిబరల్ ముస్లిమ్ లు ఈ చంపుడు పందేలు ఇస్లాం కాదని బాధ పడుతూ ఉంటారు. అంతకంటే ఎక్కువ మాట్లాడి మతాన్ని ఆఫెండ్ చేస్తే దేశాలు దాటి దాక్కోవటానికి అందరూ హుసేన్లూ, రష్డీలూ, తస్లీమాలూ కారు కదా! నాకనిపిస్తుంది వీళ్ళంతా వ్యక్తిగతంగా కాకపోయినా గుంపుగా కరడు గడుతున్న ఇస్లాం గురించి చర్చలు చేసి తీర్మానాలు చెయ్యవచ్చుగదాని !”

“నిజమే, ప్రజాస్వామ్యాల్లో ఆ పాటి స్వేచ్ఛ ఉంటుందిలే. అంతా నీ నాస్తికత్వం ప్రయోజకత్వమే కానక్కర లేదు.”

“అదే అసలు పాయింటు. ప్రజాస్వామ్యాల్లో స్వేచ్ఛ ఉన్నా, పతంజలి చెప్పినట్టు గుంపులే కదా భూమి గుండ్రంగా ఉందో బల్లపరుపుగా ఉందో నిర్ణయించేది ! అన్ని మతాలూ ఆన్ని రకాల ప్రశ్నల్నీ ఎదుర్కోవాలని, అప్పుడే అవి ప్రజాస్వామిక మతాలౌతాయనీ ఎక్కువమంది చెప్పట్లేదే! సూటిగా ఎవరూ మాట్లాడరేం? “మీ పేరేమిటి” అని గురజాడలా దేవుళ్ళనీ మతాలనీ ఇప్పుడు ఎవరూ ప్రశ్నించరేం? చార్లీ హెబ్డో కార్టూన్లు కల్చర్ షాక్ అని చెప్పడానికి వీల్లేదు. ప్రపంచంలో అందరూ ఇంటర్నెట్ ని వాడుకుంటూ అన్నిటి గురించీ తెలుసుకుని ఎవరికి కావలసింది వాళ్ళు ఏరుకుంటున్నప్పుడు, ఏ రకమైన అథారిటీనీ, అహంకారాన్నీ ఉతక్కుండా వొదిలిపెట్టని ఫ్రెంచ్ కార్టూనిస్టుల సెన్సిబిలిటీ స్థాయి మాత్రం ఎందుకు అర్థం కాదు? మతాన్ని ప్రశ్నించకూడదనే శుద్ధ అహంకారాన్ని పెంచి పోషించుకోవటం తప్ప ఏముంది ఇందులో? ఐ. ఎస్. తీవ్రవాదం వైపు వెళ్తున్న వాళ్ళలో ఎక్కువమంది సాఫ్ట్ వేర్ వాళ్ళని వినటం లేదా? క్రూడాయిల్ డబ్బుతో, ఆయుధాలతో రెచ్చిపోయి ప్రపంచాన్ని శాసించాలనే కోరికతో ఇస్లాం పేరుమీద ఇస్లామిస్ట్ స్టేట్, అల్ కాయిదా తీవ్రవాదులు చేస్తున్న తెగల నరమేధాన్ని, అమెరికా చేతుల్లో ముస్లింలు పడిన బాధలకు వాళ్ళు చేస్తున్న ప్రతీకారమని ఇంకా అనుకుంటే అమాయకత్వమే.”

“అది సరేలే. యజిదీ అనే తెగ ఉంది ఇరాక్ లో! వీళ్ళ జనాభా కొన్ని లక్షల్లోపే. ఆ తెగ నీ భాషలో ఐస్ క్రీం తెగ. పాపం ఆ అరిటాకు తెగ మీద ఈ ఐ.ఎస్. ముల్లు పడి చీల్చి పారేసింది. ఉన్మాదంతో వేలల్లో ఆ తెగ జనాభాని చంపేశారు ఐ.ఎస్. వాళ్ళు. యజిదీ ఆడవాళ్ళనీ పిల్లల్నీ బానిసలుగా మార్చారట. ఇవన్నీ చూసి మనకీ న్యురాసిస్ పెరుగుతున్నట్టుంది. మన గురూ రవిశంకర్ గారు వెళ్లి యజిదీలని ఓదార్చి వచ్చాడు. ఇది ఏ కాలం అంటావ్?”

“మతం ఫుల్ సర్కిల్ లోకొచ్చిన పిచ్చి కాలం. ప్రపంచమంతా కుడి వైపుకే నడవటంలో దాగున్న ప్రమాదాన్ని గమనించు. ఇప్పటికైనా తెలుస్తోందా చార్లీ హెబ్డో విలువేంటో! మన నేల మీద ‘పీకే’ గెలవటం కోసం ఆ సినిమావాళ్ళు జాగ్రత్తగా స్క్రిప్ట్ తో చేసిన తాడు మీద నడక లాంటి విన్యాసమేంటో! జనం తెలివిగానే ఉన్నారు. దేవుడి మేనేజర్లకు దేవుడినుంచీ కాకుండా ఇంకెవరో ఆకతాయి దగ్గరినుంచీ ఆదేశాలు వస్తున్నాయని మొదట ఊహిస్తాడు కదా ‘పీకే’! చివరికి మేనేజర్లే ఆకతాయిలని గ్రహిస్తాడు. జనం కూడా ఆకతాయి బాబాల్నీ, ముల్లాల్నీ చీడపురుగుల్లా ఏరి పారేయగలిగినప్పుడు, కరుడు గడుతున్న మతాలు కరిగి వెన్న అయి, ప్రశ్నల్లో కాగి, సమాజానికి ఉపయోగపడే జ్ఞానమనే కమ్మని నెయ్యి బయటపడుతుంది.”

“క్యా బాత్ హై! అలాగే ఊహా స్వర్గంలో విహరించు. ముఖ్యంగా మన నరేంద్ర దభోల్కర్ కీ నివాళులు అర్పించు. నమ్మకానికీ, ద్వేషానికీ తప్ప హేతువుకు కాలం కాదిది.”

“అందుకే ఇప్పుడే హేతువును నెత్తిన పెట్టుకుని ఊరేగాలి. నేనే చార్లీని, నేనే దభోల్కర్ ని, నేనే చార్వాకని, నేనే ప్రశ్నని, హేతువుని.

 

 

                                                                                                ల.లి.త.

చార్లీ హెబ్డో రేంజ్ కోసం ఇక్కడ చూడండి.

http://www.dailykos.com/story/2015/01/11/1357057/-The-Charlie-Hebdo-cartoons-no-one-is-showing-you#

మీ మాటలు

  1. చాలా బాగుంది.
    నా మనసునే ఆవిష్కరించుకున్నట్లు.

  2. నిశీధి says:

    Wow literally I jumped up and down with over joy while reading this article , ……………..ఒకో వాక్యం ఒకో బులెట్ లా పేలింది . ఈ నెల రోజులుగా ఇదే అంశం మీద చదివిన బోలెడు సమాచారం తో బిక్కచచ్చిన నా మనసు తిరిగి బ్రతికున్నాను సుమా అని చిందులేసి చెప్తుంది . థాంక్స్ అలోట్ జీ .

    • Lalitha P says:

      దీనికి ‘నో టేకర్స్’ అని నేనూ బిక్క చచ్చి ఉన్నాను. ప్రసాద్ గారు, నిశీధి గారు, నరేష్ … కాస్త ప్రాణం పోశారు. థాంక్స్ అ లాట్ !!!

  3. Wonderful satire !! The dramatic irony you have achieved is just brilliant ……..Paul Newman once said, “It’s always darkest before it turns absolutely pitch black”. Aren’t we living in darkest times now ??

  4. * పెరియార్ వారసులంతా ఏం చేస్తున్నారో! *

    ఎమి చేస్తున్నారు? ప్రస్తుతం ఎక్కువగా దైవ ధ్యానం చేసుకొంట్టుంటారు. మొన్నటి వరకు అధికారంలో ఉన్నని, రోజులు స్కాములు చేశారు. కుటుంబంలోచాలా మంది మీదా సి.బి.ఐ. కేసులు ఉన్నాయి. అప్పట్లో ఈ కష్టకాలన్ని గట్టేకటానికి నాస్థిక పెరియార్ వారసులు తిరుపతి వెంకన్నను దర్శించుకొన్నారు, అక్కడినుంచి శ్రీకాళ హస్తి వెళ్లి రాహు కేతు పూజలు చేయించారు.

    స్కాముల విషయంలో సుబ్రమణ్య స్వామి అడ్డుపడితే యాంటి బ్రాహ్మణ్ వ్యాఖ్యలు చేశారు. తరాలు మారిపోయాయి, బ్రాహ్మణులను శత్రువులుగా చూపి రెచ్చ గొడితే ప్రజలు ప్రతిస్పందించలేదు. కాలం కలసి రాక ఎన్నికలలో ఓడిపోయారు.
    వచ్చే ఎన్నికలకి పరిషితి ఎలా ఉంట్టుందో అర్థంకాక, ప్రస్తుతం ఎన్నికల మార్కేట్ సర్వే చేసుకొంట్టున్నారు. అంటే హిందుత్వకు వ్యతిరేకంగా ప్రచారం చేస్తూ ప్రజలలోకి వేళ్లటమా? లేక నేను/మేము మారిపోయాను అని ఆస్థికవాదంతో “ప్రో హిందు” స్టాండ్ తీసుకోవటమా? అని తేల్చుకోవటానికి, ప్రజల అభిప్రాయం తెలుసుకోవటానికి ప్రయత్నిస్తున్నారు.

    మొదటి పనికి వీరమణిని పురమాయించినట్లు ఉన్నారు. ఆయన ఈ మధ్య మంగళ సూత్రాలు తీసివేసే కార్యక్రమం చేపట్టారు. రెండో దానికి స్వయంగా కలైంజర్ కరుణానిధి రంగంలోకి దిగారు. ఆయన ఖాళి సమయంలో వైష్ణవ ఆళ్వారుల చరిత్రను పారయణం చేసి, శ్రీవైష్ణవ సిద్దాంతం ప్రతిపాదించిన రామనుజాచార్యుల స్క్రిప్ట్ ని రాయటంలో నిమగ్ణమై ఉన్నారు. ఇంతకు ముందు భగవాన్ సత్యసాయి బాబాకు పాదపుజలు కూడా చేశారనుకోండి. అది వేరే విషయం. చివరి దశలో కలైంజార్ గారికి భక్తి ఎక్కువైంది. ఈ విషయంలో వారి గురువు పెరియార్ మార్గాన్ని అనుసరించినట్లున్నారు. పెరియార్ గారు నాస్తికత్వం గురించి ప్రచారం తమిళనాడంతా ప్రచారం చేసిన, తన స్వంత ఊరు ఈరోడ్ లో ఆలయాన్ని చాలా చక్కగా మేనేజ్ చేసేవారనే పేరుండేది. కలైంజార్ పార్టి వారు త్వరలో నాస్తికవాదానీకి టాటా చెప్పేసినట్లే. ఆంధ్రాలో తెలుగుదేశం పార్టి వారిలా హిందుత్వవాదులు ఒప్పుకొంటే దోస్తి కట్టటానికి సిద్దంగా ఉన్నారు. అప్పుడప్పుడు నమో ని పొగుడుతూంటారు. ప్రస్తుతం ఎన్నికలు ఎమిలేవు కనుక బిజెపి వాళ్లు ఆ సంజ్ణలను పట్టించుకోవటం లేదు.

    References

    1. Kalaignar pens script on Hindu saint Ramanujar
    http://timesofindia.indiatimes.com/entertainment/tamil/movies/news/Kalaignar-pens-script-on-Hindu-saint-Ramanujar/articleshow/46608107.కమ్స్

    2. DK’s Veeramani caught ‘ullu banaoing’
    http://www.thenewsminute.com/article/dk%E2%80%99s-veeramani-caught-ullu-banaoing

    3.Daughter prayer for Karunanidhi
    http://www.telegraphindia.com/1110630/jsp/nation/story_14179004.jsp

    4. Periyar’s Hindutva
    http://www.outlookindia.com/article/Periyars-Hindutva/225056

  5. Lalitha P says:

    అవును శ్రీరాం గారూ. నాస్తికత్వం వ్యక్తిగత స్థాయిలో నిలిచే అవకాశం దానికి తక్కువే. అదే దాని బలహీనత. అందుకే రామానుజుడు కలైనార్ కు ముసలితనంలో నచ్చి ఉండొచ్చు. చివరి వరకూ నాస్తికులుగా హేతువాదులుగా ఉండేవాళ్ళు అరుదు. అది తప్పని కూడా అనలేం. నాస్తికత్వం, హేతువాదం కూడా కొత్త మతాలుగా కరడు కట్టనంత వరకూ వాటి ప్రయోజనాన్ని అవి నెరవేర్చుతాయి. దాన్ని కూడా ఆదరించటం ప్రజాస్వామ్యంలో అత్యవసరం. వ్యక్తిగతమైన ప్రతీదీ రాజకీయమే. మీరు చెప్పినట్టు కులం, మతంతో పాటు నాస్తికత్వం కూడా ఒక రాజకీయమే. Thanks for your comment. Ravikumar’s essay on ‘Periyanism’ is interesting.

Leave a Reply to naresh Cancel reply

*